2 0 0 9

Heeyy es isch grad de 20. Oktober 2013 und ihr chönt eu vorstelle was für e bedrückendi Stimmig grad isch. Winterdepressione^^
Ich han de 2008-Post versaut aber ich hoff de 2009-Post wird chli spannender. Die ganz action chunt erst no. So nach 2 oder 3 Jahre :P

• Da sött eigentlich das züg mit dere Emo, Punk, Skater phase stah, was ich aber scho bi 2008 erwähnt han.^^ Ja ich han mich det eifach müesse finde und han mich i minere Klass huerre guet chönne öffne. 
• Irgendwänn mal ide Herbstferie han ich voll e Angstattacke becho, wiel ich mich uf sonere Site agmolde han wo chostet. Ich han zwar falschi Näme ageh aber d'E-mailadresse het gstumme. Dänn het mir en "Awalt" zwei Mal es Mail gschriebe und gseit, dass ich endlich zahle sött. Ich han dänn jede Abig agfange z'hüle. Immer am 5i hets agfange. Ich bin dän sogar zunem Chinderpsycholog gange. Nach es Zitli hanich d'Laura Rindlisbacher besser kenne glernt. Sie isch zwei Jahr unter mir gsi i dere Mischklass. Sie het mich wie als ihri Schuelmuetter gseh und ich bin für sie eini vo de wichtigsti Persone gsi und has au u gschätzt. Ja sie het mir wie d'Angst weg gnoh. S'isch wahrschinli d'Einsamkeit wo mir immer unbewusst ufm Gwüsse glege isch.
• Ide Sportferie hanich müesse für d'Gymiprüefig lerne und ich bin so drillt worde. Ich han unbedingt welle is Gymi wiel ich gahnt han, dass es döt viel chilligeri Lüüt het. Ich bin ebe immer no e sehr schüüchi gsi. Usserdem isch de Nico au en Grund, wieso ich han welle is Gymi cho. Er het ebe au sGymiprüefig gmacht. Aber nume weg de Tina. Wiel sie het am afang au welle, isch aber nach 1 Monat vorbereitigszit usgstige und er isch sich voll unsicher gsi, ob er au witer mache sött. Das het mir weh gtah..
• Es het mir so weh gtah, dass ich im Summer ihn han welle vergesse. Da hets en Nachbar kah, de Wangchuck. Ich han unbewusst extra de Wangchuck so aghimmlet und umegschwärmt. Er isch en Tibeter und wenn ich ehrlich bin, weiss ich immer nonig wie alt er genau isch, obwohl ich grad vor paar mönet mit ihm zeme gsi bin (2013) hahaha aber vo ihm werdet ihr no vieles erfahre. Er isch en meeega dünne, het schiefi zäh, isch nöd sooo gross (1.70) und stinkt hahaha aber das hanich erst 2013 usegfunde. Viellicht beschrieb ich ihn au so, wiel ich schluss gmacht han. hahah Aber ich hett ihn früehner öpe eso beschriebe:
  Er isch de schönst Mah wo ich kenne! Omg wie er lauft, wie en Gangster! Ich finds huerre geil wenn Manne ihri Hose so wiit dune a händ!Er isch sogar en Imigrant und ich han mich extra mit sinere Schwöster agfründet demit ich meh über ihn usefindt. Sie hets mitlerwiel glaubs au gchegt. Anem Mittwuch Namitag bin ich mit de Tina, Valentine, Yasmin etc uf de wiese gsi und er isch det au gsi am Fuessball spiele. Ich han det zum erste mal mit ihm gschnurrt. Han ihm gseit dass er guet Fuessball spielt und det het ers verneint. Ihr chönt eu nöd vorstelle wie glücklich ich weg dem gsi bin und han dänn ide Schuel überall umegschroue "DE BEST WOS GIIIIIIT!" Puaah ich weiss nöd wie viel mal ich das gseit han. Aber ich han wenigstens de Nico chönne vergesse..
• Ide Summerferie het mini Sis e Chineseversammlig organisiert hahah "Chinese-Treff" Und ich ha mich döt so blamiert. Mir hend ebe Karaoke gspielt und ich han unbedingt welle singe, hab aber kein Ton usegbracht hahaha 
• Dänn i dem Jahr bin ich is Gymi cho. Ich ha mich als ersts mit de Tara und Jasmin agfründet. Nach de Probezit (det hani no 6 Pluspünkt kah!!) han ich mich richtig wohl gfühlt. Ab det het mis Lebe agfange^^ haha Ich bin so froh, dass i dere Klass gsi bin und Aline, Sey, Hilma, Tara, Jasmin, Melanie etc kenne glernt han! Sie hend so en guete (mit de Zit dänn nüm hahah) ifluss uf mich kah! Ohni die wär ich niiiieee so wie ich jetzt bin! s'komplette Gegeteil wo 2008 chamer sege^^
  Und die Buebe sind au voll crazy gsi haha ich erwähn mal paar Näme. Die Bärebrüedere Robin und DarioMario, die G's Manu, Balex, Oliver hahah Butrint isch voll de Einzellfall. Dänn gits no de Rolex und so wiiter.

Peeeeezup

2 0 0 8

• I dem Jahr bini ja uf Buechegglpatz züglet, bin grad i die 5. Klass cho bi de Frau Hauser. Ich han da voll mini Persönlichkeit ufbout i dere Mischchlass. Ich han ide 5. Klass nonig eso viel gschnurrt. Aber nachher ide 6. Klass hanich mich göffnet. Det hani so e Emo, Punk, Skater Phase kah. Han mir sogar en Name geh, EPS. haha Waynie, ich bin au uf de Nico gstande höööhöööhööö und han de Yannis kenne glernt, bi dem ich mich recht göffnet han. Die chlass isch eifach soo craazybaby gsi und ohni arroganti Lüüt, da het mer sich eifach chönne öffne! :D
  OH FUCK es paar sache khööret ja gar nöd zu 2008! Also praktisch wie s ide klass gsi isch, kört zu 2009 *grins* 
• Ja hmm no nüt spannends isch da passiert. vllt erinnere ich mich ja no dra und dänn schriebichs eifd mal ine :))

Wo sött ich afange verdammt nomal?

Hey strangers!
Ich wett ez vo mine Momente verzelle, weiss aber nöd ab wellem Jahr ich sett afange. Drum hani gdenkt ich verzell eu jetzt eifach chli wies so früehner i minere Chindheit gsi isch und dänn so öppe ab 2008/2009 hend die Jugendmomente erst agfange.

Ich bin eigentlich scho immer es speziells Chind gsi. Bin voll verrükt gsi, han immer voll umeblödet mit mine zwei Gschwüsterti, Yawhuei 7 Jahr älter und Juwi 3 Jahr älter. Bi Verwandte oder Fremdi binich dänn immer muksmüüsli still gsi und han keis Wort gshnurrt^^ Und ja mini Mum, die lieb ich, sie isch so e liebi herzigi und lustigi Frau!
 Sie bedütet mir am meiste und es duet mir au huerre Leid, dass sie weg mir immer so niedergschlage und enttüscht isch. Ich bin es schlimms chind mit 17, wiel ich znacht usegang und sie blibt immer bis dänn wach, bis ich wieder hei chum. Und wiel sie alles usegfunde het mitm trinke, rauche, kiffe und sogar Kondoms het sie bi mir gfunde haha. Aber ja jetzt bini abgschweift, ich wett ja verzelle was früehner gsi isch. Sött ja immerhi keis Tagebuech si ^^
 Ich han nie döffe use gah, nur 10-30 Minute vor de Wohnig in Buecholzrain. Aber ich han nie druf glost, wiel ich scho dött gwüsst han, dass es eifach zwenig isch. Irgendwänn mal hani mehrmals bis e Stund verspötig kah. Scho döt hani rebelliert kah und das het dänn au en Ifluss uf mini Jugendzit oder eifach uf min Charakter kah. Mini eltere hend scho oft gstritte, weg de chinder, wegm Geld und so witer. Im gegesatz zu anderi Bünzlichinder, hani scho e trurigi Chindheit kah..^^

Anyway! Ich bin zerst im chindsgi gsi und han döt zwei besti Kollegine kah, Melodie und Gordana. Mit de Melodie bin ich immer no sehr guet befründet aber gsehn sie eifach nur iwie 10 mal im Jahr, wiel sies au streng mit de Eltere het und Stress weg de Schuel. Aber für das gits ja Whatsapp :P Ich han bi de Frau Gubler kah und die het mich so psycht.
Dänn 1.-3. Chlass hani Schuel bi de Frau Dobler kah und sie isch e extrem strengi Frau. Ich han döt d'Naomi und Dirin kenne glernt, wo au mini besti Kolleginne gsi sind und mit de Naomi hanis bis jetzt au no super :D Friendsforlive, im ernst! (Ich bin nöd naiv :PP) Mit de Naomi hani die schrääägsti Sache erlebt. Mir hend immer Modeschau gspielt und Plän gschmiedet wie mir de Fabio e Grube baue chönt, demit er ine keie chan und wie mir Dirin und Gordana "verkupple" chönt, wiel sie eus irgendwänn uf de Sack gange sind.. teuflisch :P Oder mir hend au immer gern Experimente gmacht, indem mir Blätter und Blüete gsammlet hend und die vermischt hend. Mir hend demit welle Parfüms mache haha dummi Chinder. Ich lach jetzt mit de Naomi immer no über so komishi sache und mir hend wie euse eigete Humor haaha :D
Ide 4. Klass binich bi de Frau Vonesch gsi, chli e nöd so geili Zit gsi, wiels so Grüpplis kah het. Ich has mit de "coole" ghengt(jetzt sind all versauti chöpf, schlimmer als ich) und han strit mit de Naomi kah :( Egal, isch nöd so e wichtigi Zit gsi^^
Ide 5.Klass hani dänn müesse zügle, nöd wiit e weg. Grad da bim Buecheggplatz. Ich fang ez mal mit de Jahreszahle ah, wiels besser isch :) Fortsetzung folgt ;))

Greezypeace

The start of things I can tell, when I'll forget the most

Saaali alli mitenand!
Da fangts ah, wo ich all mini grossartigi Moment speichere duen. En richtig guete Zitat hani grad vom Sido, wo das Jahr mit sim Lied, Bilder im Kopf, cho isch. Dänn tscheggeder au wieso ich de blog mach.

Doch ich hab es konserviert und archiviert
Ich hab's gespeichert, paraphiert und nummeriert
Damit ich‘s leicht hab
Denn ich weiß genau, bei mir läuft’s nicht für immer rund
Doch was mir bleibt, ist die Erinnerung

Jaa, also de Blog isch ehner für mich, warum ich da au uf schwizerdütsch schrieb. S'isch mir ehrlich gseit wurst wie viel Bsuecher oder Followers ich uf de Blog han, aber über paar Bsuecher wo mis ganze Lebenslauf leset werd ich mich immer freue chch :-D

P.s. falls ich öpert so begeistere (isch doch klar) gits da nomal en Blog vo mir, wo ich fast nüme aktiv bin, wiel ich kei gueti Kamera meh han. Det gahts hauptsächlich über Undercuts/Hairtattoos, wo ich sit 2012 han, und über DIY's etc. e-d-o.blogspot.ch

Aaaaalso, zrug zum eigentliche Thema. Ich han sgfühl, so viel wie ich suuf (amigs kiff), dass ich mich nüm a die meiste gueti Momente erinnere chan. Ich bin jetzt scho verdammt vergesslich, weiss amigs nöd mal wieso ich jetzt zum einte Zimmer gange bin, de Chüehlschrank ufgmacht han oder ob ich scho Zähgputzt han haha.
Ich stell mich mal chli vor. Ich bin 17, han am 4.August geburi, falls ich mich dänn nüm a min Geburtstdatum erinnere chan :PP (Nei so beschädigt wird mis Hirn wahrschinli scho nöd sii hehe) und ja wie ihr's evt scho bemerkt han, bini chli en Spasst (oder wies die Dütsche seget, Spargelstecher) haha ich wür mich als e netti, lustige, komischi Partysau beschriebe, wo au d'lüüt guet durchschaue chan und mini eigeni Gfühl guet verberge chan. Die einte hend mir früehner immer gseit, dass ich es Pokerface han :) Puaah de Post wird laaaang, das gsehni scho vor mir. Ehmm ich bin eini wo immer Adrenalin suecht. En richtige Adrenalinjunkie!
Bin sportlich, gang amigs 3 mal ide wuche go jogge und amigs hani halt vom Stress kei Zit oder bin eifach fuul, wie immer. Ja egaaal ihr werdet mich eh no besser kenne lerne nach all mine Lebensgschichte.

Ich hoff es wird eu gfalle!
kussibussischmatzibatzixoxolovekisskiss hehehehe

20.10.2013